खामगांव अर्बन बँकेच्या वतीने पर्यावरणपुरक गणेशमुर्ती, गणेश मंडळ पदाधिकाऱ्यांचा सत्कार व भाविकांना चहाचे वितरण
खामगांव जनोपचार न्यूज नेटवर्क :+ अर्बन बँक कर्मचारी दत्त उपासक गणेशोत्सव मंडळाचे वतीने दरवर्षीप्रमाणे यावर्षीही भक्तीपुर्ण वातावरणात पर्यावरणपुरक गणेशमुर्तीची स्थापना करण्यात आली होती तसेच अनंत चर्तुदशीच्या दिवशी खामगांव शहरातील श्री गणेश विसर्जन मिरवणूकीत सहभागी झालेल्या सर्व मंडळाचे पदाधिकाऱ्यांचा सत्कार व सर्व गणेश भक्तांकरीता मोफत चहाचे वितरण स्थानीक अर्जुन जल मंदीर, सरकी लाईन खामगांव येथे संपन्न झाले.
सर्व प्रथम शहरातील मानाचे श्री लाकडी गणपतीस बँकेचे अध्यक्ष प्रा. विजयजी पुंडे, प्रबंध संचालक व्यंकटेशजी कुळकर्णी, सरव्यवस्थापक ज्ञानेश्वरजी जाधव व उपसरव्यवस्थापक अतुलजी ठकरे यांनी पुष्पहार अर्पण करुन दर्शन घेतले व चहा वाटपाचा शुभारंभ करण्यात आला. तदनंतर श्री तानाजी मंडळाचे अध्यक्ष आ. आकाशदादा फुंडकर यांचा सत्कार बँकेचे अध्यक्ष प्रा. विजयजी पुंडे यांनी केला. त्यांनतर चौकात येणाऱ्या सर्व मंडळाचे अध्यक्ष व सचिव यांचा भगवा दुपट्टा व गुलाबपुष्प देवून सत्कार करण्यात आला. बँकेच्या चहा स्टॉलला आयुष, आरोग्य आणि कुटुंब कल्याण स्वतंत्र केंद्रीय राज्यमंत्री मा.ना.श्री. प्रतापरावजी जाधव साहेब व शहरातील अनेक व्यापारी उद्योजक, पत्रकार बंधु व मान्यवरांनी भेट देवून या सामाजीक उपक्रमाचे कौतूक केले. याप्रसंगी सकाळी १० ते रात्री १२.०० वाजेपर्यन्त २५००० चे वर भाविकांना चहा वितरीत करण्यात आला. कार्यक्रमास बँकेच्या संचालिका सौ. मनिषाताई माटे, मुख्य व्यवस्थापक श्री. विवेक कुळकर्णीत श्री. संतोष जाधव उपस्थित होते. कार्यक्रमाचे यशस्वीतेकरीता खामगांव अर्बन बँक कर्मचारी दत्त उपासक गणेशोत्सव मंडळाचे पदाधिकारी व कर्मचाऱ्यांनी परिश्रम घेतले.
إرسال تعليق