पक्ष्यांच्या नोंदी सोबतच ओळख पटवण्यासाठी मार्गदर्शन " पक्षी सप्ताहात पक्षीप्रेमींनी केले पक्षी निरिक्षण"
खामगाव (नितेश मानकर) आज दि.०८ नोव्हेंबर रोजी महाराष्ट्र पक्षी सप्ताह निमित्त येथील सामाजिक संस्थांचे माध्यमातून पक्षीमित्रां करीता पक्षीमित्र निरिक्षण कार्यक्रमाचे आयोजन करण्यात आले होते.खामगांव शहरात लगतच असलेल्या जनुना तलाव परिसरात वरील कार्यक्रमाचे आयोजन चिऊताई घरकुल योजना,मुक्तांगन परिवार व तरुणाई फाऊंडेशनचे वतीने करण्यात आले असून याकरीता वय वर्ष तेरा ते साठ वयाचे पक्षीप्रेमी सहभागी झाले होते.यावेळी जवळपास पन्नास पेक्षाही जास्त पक्षांचे निरिक्षण करून त्याच्या नोंदी घेण्यात आल्या.त्याचा अधिवास,घरटे प्रकार,खाद्य संस्कृती,आकार,आवाज व रंग यावरून त्यांची ओळख कशी पटवायची याकरित पक्षीमित्र- संजय गुरव व विजय खंडागळे यांनी मार्गदर्शन केले.पक्षी ओळख करीता ई बर्डस् बुकचा उपयोग घेण्यात आला ज्यामधुन नुतन पक्षीमित्रांना व विद्यार्थ्यांना खुप मोठी मदत झाली.झुडपात राहणारे,मोठ्या उंच वृक्षावर राहणारे तथा पाण्याच्या ठिकाणी राहणारे पक्षी असे वर्गीकरण करून टप्प्या टप्प्यात पक्षी निरीक्षण करण्यात आले.यामध्ये पिंगळा घुबड, गव्हाची घुबड, करकोच्या,सर्पमान्या,ससाणा,घार,शिकरा,बदक,गायबगळा,सुतार पक्षी,शिंपी,सिंजिर, दयाळ,कावळा,रानचिमणी,होला (पट्टेदार),होला(ठिपकेदार),सर्पगरूड ,धोबी (परीट),चिरक,सिल्वर मुनिया,टिटवी,पांढ-या मानेचा करकोचा,बुलबुल,कबुतर, राखाडी धनेश,तांबट,पोपट,वेळाराघू,खंड्या (धीवर),नीलकंठ,कोकीळ,भारद्वाज, शेताच्या,तारवाली,पाणकोंबडी,कवड्या धीवर,खाटीक,कोतवाल, सुगरण,पाकोळी,सातभाई, वटवट्या,काॅमन पोंड हेराॅन, पाण कावळा,पाण कोंबडी,मोर इत्यादी पक्षीची जनुना तलाव परिसरात निरीक्षणातून नोंद करण्यात आली.यावेळी पक्षी छायाचित्रण कसे करावे याबद्दल छायाचित्रकार कैलास कुटे यांनी मार्गदर्शन केले.पक्षीमित्र राजेश कोल्हे यांनी क्षतिग्रस्त पक्षांची सुश्रृशा यावर प्रकाश टाकला तर अनाथ पक्षी पिल्लांना कसे सांभाळावे याबद्दल कलाध्यापक संजय गुरव व विजय खंडागळे यांनी माहीती दिली.पक्षी निरीक्षण व नोंदी घेण्यासाठी अमोल तायडे,स्वरा सातपुते,गणेश कोकाटे,आॅचल खंडागळे यांनी मोलाचे सहकार्य केले.
إرسال تعليق