एमजी विंडसर ईव्ही प्रो चारचाकी कारचा जळगावात शुभारंभ
पहिल्याच दिवशी ५० पेक्षा जास्त गाडींचे बुकींग, आत्याधुनिक फिचर्समुळे ग्राहकांची पसंती
जळगाव जनोपचार न्यूज नेटवर्क| जळगाव-भुसावळ महामार्गावरील सरस्वती ग्रुपच्या सरस्वती एमजी मोटर्स, जळगाव शोरुममध्ये एमजी विंडसर ईव्ही प्रो या अत्याधुनिक व पर्यावरणपूरक इलेक्ट्रिक चारचाकी गाडीचा शुभारंभ १३ मे रोजी उत्साहात पार पडला. यावेळी ग्रुपचे संचालक श्री. मुकेश टेकवानी व श्री. धवल टेकवानी, जिल्ह्यातील प्रतिष्ठीत व्यक्ती, मित्र परिवार तसेच वाहन प्रेमी ग्राहक आदी बहुसंख्येने उपस्थित होते.
शुभारंभाच्या समारंभात बोलताना संचालक धवल टेकवानी यांनी सांगीतले की, भारतीय ऑटोमोबाईल बाजारात इलेक्ट्रिक वाहनांची मागणी झपाट्याने वाढत आहे. ग्राहक आता आधुनिक, तंत्रज्ञानाने सुसज्ज आणि पर्यावरणपूरक पर्याय निवडत आहेत. एमजी विंडसर ईव्ही प्रो हे मॉडेल आत्याधुनिक असून या सर्व अपेक्षांना पूरक ठरणारे आहे. हे अपग्रेडेड व्हर्जन असून यामध्ये ५२.९ kWh क्षमतेची बॅटरी देण्यात आलेली आहे, ज्यामुळे एका चार्जमध्ये सुमारे ४४९ किलोमीटरपर्यंत अंतर पार करता येते. यासोबतच ग्राहकांना वाहनाच्या बॅटरीवर १५ वर्षांची लाइफटाइम वॉरंटी (अटी व शर्ती लागू) देण्यात आली आहे. या गाडीत लेवल-२ अडास फिचर्स अॅडव्हान्स ड्रायव्हर असिस्टंन्स सिस्टीम ही अद्ययावत आहे. रस्त्यावरील ट्रॅफिकप्रमाणे स्पीड आपोआप नियंत्रित करता येते. लेन किप असिस्ट हे फिचर गाडी योग्य लेनमध्ये ठेवण्यास मदत करते. मागील डिक्की स्वयंचलित उघडण्याची सुविधा आहे. गाडीचा वापर पॉवर स्टेशनसारखा करता येतो, ज्याद्वारे इतर उपकरणे किंवा वाहनांना ऊर्जा देता येते. ही सुविधा भारतात प्रथमच एमजी मोटर्सने एमजी विंडसर ईव्ही प्रो मध्ये सादर केली आहे. एमजी कंपनी प्रशिक्षित कर्मचारी असून एमजी सरस्वती ग्रुपच्या विविध सेवांचा लाभ घेण्याचे आवाहन टेकवानी कुटुंबियांनी यावेळी केले.
 |
| जाहिरात |
अतिशय आकर्षक लुकमुळे ग्राहकांना भुरळ
या गाडीचे आकर्षक डिझाईन, उत्कृष्ट तांत्रिक वैशिष्ट्ये आणि जबरदस्त परफॉर्मन्स यामुळे हे मॉडल भारतीय ग्राहकांच्या पसंतीला उतरली आहे. विशेष म्हणजे, लॉचिंगच्या दिवशीच ५० हून अधिक वाहन बुकिंग्सची नोंद झाली असून यावरून ही गाडी ग्राहकांना भुरळ घातले असल्याचे स्पष्टपणे दिसून येतो.
सरस्वती ग्रुप उत्तर महाराष्ट्रातील एक प्रतिष्ठित व विश्वासार्ह उद्योग समूह आहे. १९५१ साली दिवंगत तुलसीदास टेकवानी यांनी सुरु केलेल्या दुधाच्या व्यवसायातून सुरुवात करत आज सरस्वती डेअरी, सरस्वती फोर्ड, सरस्वती एंटरप्रायझेस आणि सरस्वती एमजी अशा यशस्वी उपकंपन्यांपर्यंत प्रवास केला आहे. सध्या तिस-या पिढीचे नेतृत्व श्री. धवल टेकवानी करत आहेत. तुलसीदास टेकवानी यांच्या पहिल्या पीढीने लावलेल्या रोपाच आज एका वटवृक्षात रुपांतर झाले आहे.
याप्रसंगी आलेल्या जळगाव जिल्ह्यातील सर्व प्रतिष्ठीत व्यक्ती, हितचिंतक, मित्र परिवार, वाहन प्रेमी तसेच पत्रकार बंधू यांनी दिलेल्या सदिच्छा भेट प्रसंगी टेकवाणी कुटुबियांनी ऋण व्यक्त केले.
إرسال تعليق