पिंप्री गवळी येथील तलावात आढळले दोन चिमुकल्यांचे मृतदेह एका महिलेचा मृतदेह
खामगाव - तालुक्यातील पिंप्री गवळी येथील तलावात दोन लहान चीमुल्यासह एका महिलेचा मृतदेह आढळून आल्याने एकच खळबळ उडाली आहे. हे तिन्ही मृतदेह कुजलेले असल्याची माहिती पोलीस सूत्रांनी दिली असून वृत्तलेपर्यंत ओळख पटवण्याचे प्रयत्न सुरू होते.
खामगाव तालुक्यातील पिंप्री गवळी येथे असलेल्या छोट्या तलावातून आज दिं २६ ऑगस्ट रोजी शेतात जाणाऱ्या काही नागरिकांना दुर्गंधी येत होती. यामुळे त्यांनी तलावा जवळ जाऊन पाहिले असता त्यांना तलावातील पाण्यावर एका महिलेसह दोन चिमुकल्यांचे मृतदेह तरंगताना दिसून आले. या घटनेची माहिती गावात वाऱ्या सारखी पसरली. यामुळे गावकऱ्यांनी सदर तलावात धाव घेतली. या बाबत माहिती मिळताच खामगाव ग्रामीण पोलिसांनी घटनास्थळी जाऊन पंचनामा केला व नागरिकांच्या मदतीने सदर मृतदेह पाण्याच्या बाहेर काढले. सदर महिलेने आपली दोन्ही मुल रुमालाने कमरेला बाधून तलावात उडी घेतल्याने प्रथमदर्शनी दिसून येत आहे. या घटनेचा पुढील तपास पोलीस करीत आहेत.
إرسال تعليق