स्व.श्री.श्रा.स.बावस्कर गुरुजी स्मृती जिल्हास्तरीय आदर्श शिक्षक पुरस्कार जाहीर
खामगांव : सामाजिक कार्यात सदा अग्रेसर असणाऱ्या लॉयन्स क्लब खामगांव व धन्वंतरी चारिटेबल मेडीकल फाऊंडेशनच्या वतीने दरवर्षीप्रमाणे याही वर्षी दहाव्या जिल्हास्तरीय स्व. श्रा.स. बावस्कर गुरुजी स्मृती आदर्श शिक्षक पुरस्कारासाठी बुलडाणा जिल्ह्यातून ग्रामीण, शहरी, अंध, अपंग व कर्णबधीर, सेवानिवृत्त, वरिष्ठ महाविद्यालय या गटामध्ये प्रस्ताव मागविण्यात आले होते. बुलडाणा जिल्ह्यातील शिक्षक वृंदांनी प्रतिसाद देत सॉफ्ट कॉपी व हार्ड कॉपी व्दारे प्रस्ताव पाठविले होते. ह्या प्राप्त प्रस्तावांचे मुल्यमापन करुन खालील प्रमाणे पुरस्कारासाठी निवड झालेल्या शिक्षकांची नांवे गटनिहाय जाहीर करण्यात आली आहेत. या पुरस्काराचे वितरण शनिवार दि. ३० सप्टेंबर रोजी नगर परिषद लॉयन्स आय हॉस्पीटल, नांदुरा रोड, खामगांव येथे प्रदान करण्यात येणार आहेत.
यावेळी जाहीर करण्यात आलेल्या प्राथमिक ग्रामीण विभागातून श्री. गोविंद काशिनाथ गायकी, सहा. अध्यापक (जि.प. मराठी प्राथ. ब्राम्हणवाडा, ता. शेगांव), प्राथमिक शहरी विभागातून श्री. प्रविण गजानन जमदाडे, सहा. अध्यापक (श्री. अ. खि. नॅशनल हायस्कूल, खामगांव), माध्यमिक शहरी विभागातून श्री. प्रविण रामचंद्र क्षिरसागर, सहा. अध्यापक (श्री. अ.खि. नॅशनल हायस्कूल, खामगांव), अंध, अपंग, कर्णबधीर व आदिवासी विभागातून सौ. पुनम रत्नदिप समदूर, सहा. शिक्षिका (सर्वोदय पारधी समाज आश्रम शाळा, सजनपुरी, ता. खामगांव), सेवानृिवत्त विभागातून सेवानिवृत्तीनंतरही सदैव कार्य करणारे श्री. ज्ञानेश्वर भानुदास मिरगे, सेवानिवृत्त शिक्षक (जि.प. बुलडाणा), तसेच वरिष्ठ महाविद्यालयीन प्राध्यापक विभागातून प्रा. गणेश जगन्नाथ दांदडे, सहा. प्राध्यापक (स्व. कृष्णराव रामजी पाटील विद्यालय व महाविद्यालय, बोरी अडगांव) यांची निवड करण्यात आली आहे. पुरस्कारप्राप्त आदर्श शिक्षकांना रु. ५००१ रोख, स्मृतिचिन्ह व सन्मानपत्र देऊन मान्यवरांचे हस्ते सपत्नीक सत्कार करण्यात येणार आहे.
पुरस्कार वितरणाचा सोहळा शनिवार दि. ३० सप्टेंबर २०२३ रोजी दुपारी २.०० वा. लॉयन्स आय हॉस्पीटल, जीएसटी ऑफीस समोर, नांदुरा रोड, खामगांव येथे मान्यवर व लॉयन्स पदाधिकाऱ्यांच्या उपस्थितीत संपन्न होत आहे. पुरस्कार प्राप्त शिक्षकवृंदांना वैयक्तिकरित्या तसे कळविण्यात येत आहे. तरी या कार्यक्रमास आदर्श शिक्षक पुरस्कार प्राप्त सर्व शिक्षकांनी सपत्नीक उपस्थित रहावे अशी विनंती आयोजकांव्दारे लॉयन्स क्लब खामगांवचे प्रसिध्दी प्रमुख लॉ. डॉ. परमेश्वर चव्हाण व डॉ. चेतन साटोटे यांनी केली आहे.
إرسال تعليق