शासकीय तंत्रनिकेतन खामगांवला राष्ट्रीय प्रमाणन संस्था (एन.बी.ए.) कमेटीद्वारे मुल्यांकन प्रदान
खामगाव जनोपचार न्यूज नेटवर्क:-
अभियांत्रिकी संस्थेत शिकविल्या जाणा-या अभ्यासक्रमांची गुणवत्ता तपासणी करून त्यांना नॅशनल बोर्ड ऑफ अॅक्रेडीटेशन नवी दिल्ली (राष्ट्रीय प्रमाणन मंडळ) द्वारे मानांकन प्रदान केल्या जाते. शासकीय तंत्रनिकेतन, खामगांव येथे अभियांत्रिकी संस्थांसाठी आवश्यक असलेले मानांकन प्रदान करण्यासाठी दिनांक १७ ते १९ मार्च या दरम्यान अणुविद्युत विभागाकरीता एन.बी.ए. चमूने भेट दिली होती. आनंदाची बाब ही की शासकीय तंत्रनिकेतन, खामगांव येथील अणुविद्युत अभियांत्रिकी विभागाला नॅशनल बोर्ड ऑफ अॅक्रेडीटेशन नवी दिल्ली (राष्ट्रीय प्रमाणन मंडळ) द्वारे २०२३-२४, २०२४-२५ व २०२५-२६ या ३ वर्षांकरीता मानांकन प्रदान केल्या गेले आहे.
“महाराष्ट्र राज्य तंत्रशिक्षण संचालनालय मुंबईचे संचालक डॉ विनोद मोहितकर यांच्या कल्पक नेतृत्वाखाली, अमरावती विभागीय सहसंचालक डॉ विजय मानकर यांच्या मार्गदर्शनातून व प्राचार्य डॉ समीर प्रभुणे यांच्या कौशल्यपूर्ण प्रशासनात संस्थेतील अणुविद्युत विभागप्रमुख प्रा भास्कर देवसरकर व अणुविद्युत विभागातील प्रा नितीन सोनी, प्रा दिनेश बोरुडे, प्रा अर्चना अहिर, प्रा अमेय पाटील, प्रा सागर जुमडे, प्रा राजेश्वर ताकवाले (सध्या वाशीम येथे कार्यरत) व शिक्षकेतर चमू श्री राहुल भवारी, श्री दिलीप भोपळे, एनबीए समन्वयक प्रा संदीप परांजपे, एनबीए सहसमन्वयक प्रा गजानन पद्मणे, शैक्षणिक अवेक्षक व जिमखाना उपाध्यक्ष प्रा राजेश मंत्री, प्रशिक्षण व आस्थापना अधिकारी प्रा अरुण काकड, संस्थेतील सर्व विभागप्रमुख व प्राध्यापक वृंद, प्रबंधक श्री महेंद्र राणे व कार्यालयीन कर्मचारी, वर्ग-३ व वर्ग-४ चे सर्व कर्मचारी यांच्या सांघिक कार्यातून हा सोनियाचा दिवस आज पहायला मिळाला आहे, तसेच येत्या काही दिवसातच स्थापत्य अभियांत्रिकी आणि त्यानंतर विद्युत अभियांत्रिकी व संगणक अभियांत्रिकी या शाखासुद्धा मानांकन मिळवतील असा मला माझ्या सहका-यांवर सार्थ विश्वास वाटतो” असे प्रतिपादन प्राचार्य डॉ समीर प्रभुणे यांनी केलेले आहे.
 |
| जाहिरात |
आपल्या भेटीदरम्यान समितीने निकषानुसार कागदपत्रांद्वारे अभिलेख व संसाधनांची पाहणी केली आणि संस्था स्तरावर विद्यार्थ्यांकरिता उपलब्ध असलेल्या सोई सुविधांचा प्रत्यक्षात आढावा घेतला जसे की कर्मशाळा, ग्रंथालय, अॅकेडमिक्स, संगणक प्रयोगशाळा, भौतिकशास्त्र प्रयोगशाळा, रसायनशास्त्र प्रयोगशाळा, भाषा प्रयोगशाळा, कार्यालय, मुलांचे वसतीगृह, मुलींचे वसतीगृह, जिमखाना, खेळांची मैदाने, माजी विद्यार्थी सभागृह, पिण्याच्या पाण्याची व्यवस्था, मुलींसाठी स्वतंत्र विश्रामकक्ष, सॅनिटरी पॅड वेंडिंग मशीन, प्रशिक्षण व आस्थापना कक्ष, प्लेसमेंट रेकॉर्ड्स, कार्यालयातील आस्थापना विभाग, अकौंट विभाग, विद्यार्थी विभाग, कर्मचा-यांचे पगारपत्रक, विद्यार्थ्यांच्या शिष्यवृत्ती इत्यादी सर्व बाबी तपासून पाहिल्या. तसेच अणुविद्युत विषयतज्ञ यांनी अणुविद्युत विभागातील सैध्तान्तिक व प्रयोगशाळेच्या सर्व शैक्षणिक बाबी तपासल्या आणि सर्व विद्यार्थ्यांची प्रत्यक्ष भेट घेऊन त्यांच्या समस्या जाणून घेतल्या. या दरम्यान १८ मार्च रोजी संस्थेत माजी विद्यार्थी व उद्योगपती यांची सभा मुल्यांकन समिती समवेत घेण्यात आली ज्यामध्ये अनेक प्रतिथयश माजी विद्यार्थी व उद्योगपतींनी सहभाग घेतला होता.
मानांकन मिळाल्यामुळे संस्थेतील सर्व अधिकारी, कर्मचारी व विद्यार्थ्यांनी आनंद व्यक्त केलेला आहे आणि यातून स्फूर्ती घेऊन अजून जोमाने कार्य करण्याची प्रेरणा आम्हाला मिळालेली आहे अशी भावना त्यांनी व्यक्त केलेली आहे.
إرسال تعليق