भरधाव कार डिव्हायडरवर धडकून पेटली, एकाचा जागीच कोळसा
चौघे जखमी, हॉटेल सुदर्शनजवळील घटना
खामगाव, प्रतिनिधी - भरधाव कार चालकाचे नियंत्रण सुटल्याने डिव्हायडवर धडकून पेट्रोल टाकी फुटल्याने पेटली. या अपघातात एकाचा कारमध्येमच जळून कोळसा झाल्याचे मृत्यू झाला तर परिसरातील नागरीकांनी कारमधील चौघांना बाहेर काढून त्यांचे प्राण वाचविले. सदर घटना 22 डिसेंबर रोजी दुपारी 4.30 वाजता दरम्यान घडली.
अमरावती येथून खामगावमार्गे उज्जैनला दर्शनासाठी जाणाऱ्या भाविकांच्या भरधाव कार क्रमांक एमएच 24 एडब्ल्यू 7904 चे खामगाव अकोला मार्गावरील हॉटेल सुदर्शनजवळ टायर फुटल्याने सदर कार डिव्हायडरवर जावून धडकली. या धडकेत कारच्या पेट्रोल टाकीचा भडका झाल्याने कारने पेट घेतला. यावेळी परिसरातील नागरीकांनी धावपळ करत आग विझविण्याचा प्रयत्न केला. व कारमधील महिलांसह चौघांना बाहेर काढून त्यांचे प्राण वाचविण्यात यश मिळविले. परंतु कारमधील चालकाचा जागीच जळून कोळसा झाल्याने त्याचा मृत्यू झाला. मृतकाचे नाव अरूण बाबूराव चिंचणसुरे रा. लातुर असे आहे. तर परूत अरुण चिंचणसुरे (36), आशिष अरुण चिंचणसुरे (32), लक्ष्मी अरुण चिंचणसुरे (61), शारदा पुणे (55) सर्व रा. लातूर हे जखमी झाले आहे. जखमींना तातडीने खामगाव शहरातील खाजगी दवाखान्यात उपचारासाठी भरती करण्यात आले आहे. घटनेची माहिती मिळताच ग्रामीण पोलिसांनी घटनास्थळी धाव घेतली. वृत्त लिहेपर्यंत पोलिसांची कारवाई सुरू होती.
Post a Comment