भाजप प्रदेशाध्यक्ष चंद्रशेखर बावनकुळे उद्या खामगाव शहरात !
भाजप पदाधिकारी, कार्यकर्त्यांसोबत संवाद सभा
खामगाव जनोपचार न्यूज नेटवर्क :- महाराष्ट्र प्रदेश भारतीय जनता पक्षाचे प्रदेशाध्यक्ष आ.चंद्रशेखर बावनकुळेहे बुलढाणा जिल्ह्याच्या दौऱ्यावर असून आगामी विधानसभा निवडणुक पूर्वतयारी बाबत मतदार संघातील स्थानिक नेते,पदाधिकारी कार्यकर्त्यांसोबत सविस्तर चर्चा करण्यासाठी खामगाव येथे सभेचे आयोजन करण्यात आले आहे. प्रदेशाध्यक्ष चंद्रशेखर बावनकुळे यांच्या प्रमुख उपस्थितीत खामगाव मतदार संघ पदाधिकारी संवाद सभा पार पडणार असून सभेमध्ये आगामी विधानसभा निवडणुकीच्या नियोजनाबाबत विस्तृत चर्चा करण्यात येणार आहे.
 |
| आगामी विधानसभा निवडणुकीच्या पार्श्वभूमीवर त्यांचा हा दौरा अत्यंत महत्वाचा मानला जात आहे. सभेचे आयोजन सायंकाळी ७.०० वा. खामगाव येथील तुळजाई हॉटेल येथे करण्यात आले आहे. या सभेकरिता खामगाव मतदार संघातील भाजप कार्यकर्ते,पदाधिकारी स्थानिक नेते आणि *खामगाव विधानसभा मतदार संघाचे आमदार ॲड.आकाश फुंडकर उपस्थित राहणार आहेत. |
यावेळी भारतीय जनता पार्टीचे प्रदेशाध्यक्ष आमदार श्री चंद्रशेखर बावनकुळे स्थानिक नेते,पदाधिकारी यांचे सोबत संवाद साधणार असून पक्षाच्या स्थानिक स्थितीचा आढावा घेत मार्गदर्शन करणार आहेत.
Post a Comment