पत्रकार गणेशोत्सव मंडळाच्या वतीने अग्रवाल हॉस्पिटल येथे 12 सप्टेंबर रोजी भव्य आरोग्य तपासणी शिबिर
खामगाव:- पत्रकार गणेशोत्सव मंडळाच्या वतीने गणेशोत्सव निमित्त दि. 12 सप्टेंबर गुरुवार रोजी अग्रवाल हॉस्पिटल, जलंब रोड, गोकुळ नगर, थेटे हॉस्पिटल जवळ खामगाव येथे सकाळी 10 ते दुपारी 3 वाजेपर्यंत भव्य आरोग्य तपासणी शिबिराचे आयोजन करण्यात आले आहे.
या शिबिरामध्ये अस्थिरोग विशेषज्ञ डॉ. नितीश अग्रवाल आणि स्त्रीरोग विशेषज्ञ डॉ. शारदा अग्रवाल हे रुग्णांची तपासणी करून सल्ला व मार्गदर्शन देणार आहेत. शिबिरामध्ये बी.एम.डी. टेस्ट म्हणजे हाडाच्या ठिसूळतेची मशीनद्वारे तपासणी व यूरिक ॲसिड ची रक्त तपासणी मोफत करण्यात येणार आहे. तसेच एक्स-रे आणि गर्भवती मातांची सोनोग्राफी तपासणी शुल्क मध्ये 50% सूट राहील.
तसेच शिबिराच्या दिवशी नाव नोंदणी केल्यास गुडघ्याची दुर्बिणीद्वारे शस्त्रक्रिया, गुडघा व खुबा बदली शस्त्रक्रिया आणि गर्भपिशवी काढणे शस्त्रक्रिया, या सर्व शस्त्रक्रियांमध्ये 25% सूट राहणार आहे.
तरी संबंधित सर्व नागरिकांनी अग्रवाल हॉस्पिटलच्या मो. नं. 8605779989, 7218998933 वर नाव नोंदणी करून या सुवर्ण सेवेचा लाभ घ्यावा असे आवाहन पत्रकार गणेशोत्सव मंडळाच्या सर्व पदाधिकारी व सदस्यगण यांनी केले आहे.
Post a Comment