Janopchar

 आरपीएफ आणि जीआरपी यांचे दमदार कार्यवाही 

 घरफोडी करणारे दोन आरोपी अटकेत

शेगाव जनोपचार न्यूज नेटवर्क :- आरपीएफ शेगाव चे प्रधान आरक्षक रंजन तेलंग यांना गुप्त सूत्रांकडून माहिती मिळाली की उत्तरेकडील शेगाव स्थानकावर दोन संशयित व्यक्ती ट्रेन क्रमांक 11040 अप महाराष्ट्र एक्समधून पळून गेले.रंजन तेलंग यांनी लगेच एपीआई किसन राख निरीक्षक शांताराम हरने स उ नि प्रवीण भरणे तसेच जीआरपी चे पीएसआय सुनील इंगळे,जगदीश ठाकूर यांना माहिती दिल्या वरुन आरपीएफ जीआरपी च्या संयुक्त टीम ने शेगाव येथील बसस्थानकाजवळ जाऊन तेथे लपून बसलेल्या दोन संशयितांना पकडले असता, त्यांनी त्यांची माहिती दिली नावे 1 धीरज विजय भगत, वय 22 वर्षे, पत्ता जुनी बस्ती, बडनेरा, 2 मंगेश गंगाराम वानखडे, वय 22 वर्षे, पत्ता अर्जुन नगर नांदगाव, अमरावती, समाधानकारक उत्तर न दिल्याने त्यांना जीआरपी पोलिस स्टेशन शेगाव येथे आणण्यात आले. त्याच्याजवळ ठेवलेली बॅग दोन पंचांसमोर तपासायची होती, मात्र बॅगेत ५० हजार रुपये किमतीचा ऍपल कंपनीचा लॅपटॉप आणि १५०० रुपये किमतीचे लहान मुलाचे चांदीचे ब्रेसलेट, ३०००/- किमतीचे चांदीचे पेंडेंट आणि भारतीय चलनाची नाणी होती. रु. 185/-, एकूण किंमत रु 54685/- पैसे सापडले, जे जप्ती पंचनाम्यानुसार जप्त करण्यात आले.  सदर वस्तूबाबत विचारपूस केली असता अकोला शहरातील रामदास पेठ भागातील एका घराचे कुलूप तोडून सदर लॅपटॉप व सदर वस्तू चोरून महाराष्ट्र एक्स येथून शेगाव येथे आल्याचे त्याने सांगितले.  शहर पोलीस रामदास पेठ अकोला यांच्याशी संपर्क साधल्यानंतर सदर घटनेबाबत त्यांच्या ठाण्यात गुन्हा क्र 304/2024 U/S 305 (a), 331(3) BNS 2023 अन्वये गुन्हा दाखल करण्यात आल्याची माहिती मिळाली. 

 त्यानंतर दोन्ही आरोपी व जप्त केलेले मुद्देमाल पुढील कारवाईसाठी शहर पोलीस रामदास पेठ, अकोला यांच्याकडे सुपूर्द करण्यात आले.  रामदास पेठ पोलीस अकोला यांनी वरील कारवाईसाठी आरपीएफ/जीआरपी विभागाचे आभार मानले.