“मॅराथॉन सिझन-५ चे आयोजन”

रोटरी क्लब खामगांवद्वारे “मॅराथॉन सिझन-५ चे आयोजन”

      खामगाव जनोपचार :-  जनसामान्यांमध्ये आरोग्याविषयी जागरूकता वाढावी म्हणून रोटरी क्लब खामगांव मागील ५ वर्षांपासून मॅरेथॉनचे आयोजन करीत आहे. धावण्यामुळे हृदय व रक्तवाहिन्यासंबंधी आरोग्याचे मार्कर सुधारण्यासाठी मदत होते असे अनेक ठिकाणी दर्शविले गेले आहे. उदाहरणार्थ, संशोधनात असे दिसून आले आहे की ते रक्तदाब आणि विश्रांतीमुळे हृदय गती कमी करू शकते. हे महाधमनी कडक होण्याची प्रक्रिया देखील उलट करू शकते जी नैसर्गिकरित्या वृद्धत्वासह उद्भवते. नियमितपणे धावल्यास रोगप्रतिकारक शक्ती वाढते, जुनाट आजार टाळण्यास मदत होते, स्नायूंची शक्ती वाढते, वजन कमी होते, मानसिक संतुलन व समन्वय साधता येतो, तणाव दूर होतो इत्यादी. या सर्व फायद्यांना लक्षात ठेऊन रोटरी क्लब खामगांवने इनरव्हील क्लब खामगांव व रोटरॅक्ट क्लब खामगांव यांचेसमवेत यावर्षी रविवार दिनांक १८ डिसेंबर २०२२ रोजी सकाळी ०५.३० वाजेपासून स्थानिक डॉ बाबासाहेब आंबेडकर नगर परिषद मैदान याठिकाणी ५ किलोमीटर, १० किलोमीटर व २१ किलोमीटरचे हाफ मॅराथॉन अशा विविध श्रेणींमध्ये आयोजन केलेले आहे. तसेच सर्व श्रेणींतील विजेत्यांसाठी १,५१,०००/- रुपयांची भव्य रोख बक्षिसे, मेडल्स व प्रमाणपत्रांचे नियोजन करण्यात आलेले आहे. सर्व सहभाग्यांना स्पर्धेत परिधान करावयाचे टी-शर्ट मुख्य आयोजक कलिंगा स्टील्स जालना यांचेकडून मोफत मिळेल तर सर्वच श्रेणींतील सहभाग्यांना भाग घेतल्याचे प्रमाणपत्र व शर्यतीच्या वाटेत हवे तेवढे पिण्याचे पाणी व एनर्जी ड्रिंक मिळेल. एचडीएफसी होम लोन्स, सिल्वरसिटी मल्टीस्पेशालिटी हॉस्पिटल, बँक ऑफ बडौदा व एनेर्जेल हे इतर प्रायोजक आहेत.    

या स्पर्धेत भाग घेण्यासाठी समीर बॉम्बे डाईंग (मेन रोड), पंचरत्न ज्वेलर्स (मोहन टॉकीज), सकळकळे कॉम्प्लेक्स (टॉवर चौक) व शगुन कलेक्शन (फरशी) या ठिकाणी नाव नोंदणी करता येईल. सदर शिबिराच्या अधिक माहितीसाठी आयोजन समिती सदस्य रो नकुल अग्रवाल (मोबाईल क्रमांक ९४२२९२७०४३) किंवा रोटरॅक्टर रजत भैया (मोबाईल क्रमांक ७७७५८५६८३०) यांचेशी संपर्क साधावा. मोबाईल क्रमांक ८७६७७१०३३६ वर Hi असा मेसेज पाठविल्यास नोंदणीसंबंधी  व स्पर्धेविषयी अन्य माहिती उपलब्ध होईल. तरी प्रतिस्पर्ध्यांनी आतापासून रोज थोडा थोडा सराव करावा व जास्तीत जास्त संख्येने लोकांनी या आरोग्यविषयक स्पर्धेत सहभागी होऊन लाभ घ्यावा असे आवाहन प्रकल्पप्रमुख रो निलेश भैया, सह-प्रकल्पप्रमुख रो नकुल अग्रवाल, रोटरी क्लब अध्यक्ष रो आलोक सकळकळे, रोटरी क्लब सचिव रो रितेश केडिया यांनी केलेले आहे.