Janopchar

रोटरी क्लब खामगांवद्वारे “मॅराथॉन सिझन-६ चे आयोजन”

     जनसामान्यांमध्ये आरोग्याविषयी जागरूकता वाढावी म्हणून रोटरी क्लब खामगांव मागील 5 वर्षांपासून मॅरेथॉनचे आयोजन करीत आहे. धावण्यामुळे हृदय व रक्तवाहिन्यासंबंधी आरोग्याचे मार्कर सुधारण्यासाठी मदत होते असे अनेक ठिकाणी दर्शविले गेले आहे. उदाहरणार्थ, संशोधनात असे दिसून आले आहे की ते रक्तदाब आणि विश्रांतीमुळे हृदय गती कमी करू शकते. हे महाधमनी कडक होण्याची प्रक्रिया देखील उलट करू शकते जी नैसर्गिकरित्या वृद्धत्वासह उद्भवते. नियमितपणे धावल्यास रोगप्रतिकारक शक्ती वाढते, जुनाट आजार टाळण्यास मदत होते, स्नायूंची शक्ती वाढते, वजन कमी होते, मानसिक संतुलन व समन्वय साधता येतो, तणाव दूर होतो इत्यादी.

या सर्व फायद्यांना लक्षात ठेऊन रोटरी क्लब खामगांवने इनरव्हील क्लब खामगांव व रोटरॅक्ट क्लब खामगांव यांचेसमवेत यावर्षी रविवार दिनांक ३१ डिसेंबर २०२३ रोजी सकाळी ०६.०० वाजेपासून स्थानिक डॉ बाबासाहेब आंबेडकर नगर परिषद मैदान या ठिकाणी ३ किलोमीटर, ५ किलोमीटर व १० किलोमीटरचे मॅराथॉन अशा विविध श्रेणींमध्ये आयोजन केलेले आहे. सदर स्पर्धेकरिता सिल्व्हरसिटी हॉस्पिटल खामगांव यांचे प्रायोजकत्व लाभलेले आहे. तसेच सर्व श्रेणींतील विजेत्यांसाठी हजारो रुपयांची भव्य रोख बक्षिसे व मेडल्सचे नियोजन करण्यात आलेले आहे. सवलतीच्या ५० रुपयांच्या दरात नोंदणी करणा-या सातवी ते दहावीच्या विद्यार्थ्यांना वगळता इतर सर्व नोंदणीकृत सहभाग्यांना स्पर्धेत परिधान करावयाचे टी-शर्ट मोफत मिळणार आहेत तर सर्वच श्रेणींतील सहभाग्यांना शर्यतीच्या वाटेत आर.ओ. पिण्याचे पाणी, एनर्जी ड्रिंक आणि नाश्ता मिळेल. स्पर्धा सुरु होण्याआधी स्पर्धकांकरीता वार्मअप सेशनचे आयोजन करण्यात आलेले आहे. 

या स्पर्धेत भाग घेण्यासाठी समीर बॉम्बे डाईंग (मेन रोड), पंचरत्न ज्वेलर्स (मोहन टॉकीज), सकळकळे कॉम्प्लेक्स (टॉवर चौक), प्रेम एजन्सीज (जलम्ब नाका) व शगुन कलेक्शन (फरशी) या ठिकाणी नाव नोंदणी करता येईल. सदर शिबिराच्या अधिक माहितीसाठी आयोजन समिती सदस्य रोटेरीयन अभिषेक शेलारका (मोबाईल क्रमांक ९५५२५५६०८०) किंवा रोटरॅक्टर हिमांशु भगत (मोबाईल क्रमांक ८३७९०४०९०७) यांचेशी संपर्क साधावा. मोबाईल क्रमांक ८७६७७१०३३६ वर Hi असा मेसेज पाठविल्यास नोंदणीसंबंधीचे गुगल फॉर्म व स्पर्धेविषयी अन्य माहिती उपलब्ध होईल. तरी प्रतिस्पर्ध्यांनी आतापासून रोज थोडा थोडा सराव करावा व जास्तीत जास्त संख्येने लोकांनी या आरोग्यविषयक स्पर्धेत सहभागी होऊन लाभ घ्यावा असे आवाहन प्रकल्पप्रमुख रोटेरीयन

देवेंद्र भट्टड, सह-प्रकल्पप्रमुख रोटेरीयन विजय अग्रवाल, रोटरी क्लब अध्यक्ष रोटेरीयन सुरेश पारीक, रोटरी क्लब सचिव रोटेरीयन आनंद शर्मा यांनी केलेले आहे.